Sajak Dian Hendrayana - Kahatur Jungjunan Kalbu
KAHATUR JUNGJUNAN KALBU
(Keur
N)
Saéna ulah aya kecap sono diantawis urang. Mending
Palidkeun
Urang palidkeun. Da parahu nu kungsi dipaké lalayaran
Cenah
Moal rék kapalang héman ngalalarkeun rusiah duaan
Geusan muru ka muhara kalbu tina geleburna kagandrung
Nu ngunung-ngunung
Saéna urang pungkaskeun nyulam carita duaan. Mending
Sidem,
Da enya mending disidem. Puguh éndah mangsa kakangen
Diumbar ti kaanggangan. Najan enya nyiksa, nanging
mangsa
Ngunder kagandrung. Kareureutna langkung-langkung
Ti mangsa tepung
Januari, 2002
(Karya : Dian Hendrayana
Diambil dari: Sawatara
Sajak Sunda “Néangan Bulan”)
0 komentar: