Sajak Sarabunis Mubarok - Duriat
DURIAT
Aya nu leungit wanci janari
Sarébu cicika ngudag-ngudag
Rék ngirimkeun silalatu
Ka gigir-gigir rémpan nu haliwu
Ti dapuran ka dapuran
Rungkun ka rungkun
Guha ka guha
Néang béja
Néang hareudang
Nu mulak malik harepan
Lebah jamparing
Nu nurih cinta ku gurilapna
Ngan haté geus ngajirim pajaratan
Nu mépéndé saban simpé
Ka tungtung hujan
Geus disimpangkeun
Angen-angen nu silantangan
Gigireun ceudeum
Gigireun kasieun
Nu geuneuk ngungudag reureuk
Saban ambekan
2002
(Karya : Sarabunis Mubarok
Diambil dari: Sawatara
Sajak Sunda “Néangan Bulan”)
0 komentar: